Chicken Adobo - A Love Story 14

image credit to komwari

-a must a read!!! - CNN
-ang di magbasa kulang sa vitamins - kuya kim
-pagpasensyahan nyo na ang spelling at typos - principal
-ipamalita mo sa 10 tao at may swerteng darating sayo sa akinse at katapusan - unknown

Kung may libro tungkol sa kasinungalingan aabutin ng limang chapter siguro ang sinulat nina Kathy at Andrea. Isang kwentong sila ang nabuo pero kaming tatlo ang naging biktima. Lahat talunan. Lahat sablay. Parehong nauwi sa isang scenario ng hindi pagpapansinan. Ang dating mapagparaya ngayon ay sakim. Ang dating tapat ay natutong sumuway. Ang naghahanap ng kasiyahan ngayon ay tulala at hindi makausap. Ganito ba talaga kakomplikado ang magmahal? Siguro.

Napapailing ako habang naglalakad palabas ng ospital. Kailangan bang umabot sa kuwestyunin ni Kathy ang aking pagkatao? May mga bagay na hindi naman dapat ipag-ingay at may kusa ding nararamdaman na hindi kailangan ipagpilitan o papiliin. Naguluhan tuloy ako.

Dalawang Hiling

Umiiyak na naman si Inay sa taong labis kong kinamumuhian. Hindi nararapat ang luha niya sa isang lalaking piniling magpakaduwag. Kahit itanggi niya ay madali mahalata. Ang kayang itago ng ngiti ay makikita sa mata. Hawak niya ang larawang matagal ko ng ipinapatapon. Larawan ng aking amang tumakas sa obligasyon.

"Iniiyak mo 'yan? Iniwan nga tayo, 'di ba?. Kung hindi pa nagbigay ng malaking halaga si Hernan noon hindi ko alam kung saan tayo pupulutin!"

"Hindi Hector! Hindi niya tayo pinabayaan."

"Hindi pagpapabaya ang pagkitil sa sariling buhay at iwan tayo? Hindi na nga nakakatulong, dumagdag pa sa abala." Bago ko pa nakuha ang larawan ay nahulog sa kanyang kamay ang isang sulat.

Kwentong Bulate

Alumpihit na kumilos ang huling bulateng lumabas sa lungga. Wala sa plano niya ang lumitaw sa lupa pero kinailangan niyang kumilos para hindi maging dahilan ng kahihiyan sa angkan ng mga maharlikang bulate. Sila ang species na may kalakihan at may tila sinturon sa balat.

Sa kanyang paggapang inirereklamo niya ang kanyang pagiging bulate. Lagi siyang madumi, masakit ang katawan sa paggapang, nagagalusan at kung bakit pagkatapos ng ulo ay buntot na agad.