skip to main |
skip to sidebar
 |
| image credit to belle |
"Oh, ano na? Jean!"
"Parang hindi lang ako makapaniwala, bata pa ako nun, inosente at padalos-dalos. Sinong mag-aakala na ang katabi ko ngayon ay ang lalaking naghula ng number ko nine years ago?"
"Ibig sabihin may pag-aalinlangan ka?"
"Wala. Masyado lang mahiwaga."
Magical. 'Yun siguro ang perpektong salita para ilarawan ang aking buhay pag-ibig. Tipong inakala ko na bunga lang ng kapusukan at sinamahan pa ng pa-tweetums na kaharutan.
Isang taon ng magkaibigan ang kapatid kong si Luis at si Eugene. Akala ko noon hindi sila magkakasundo dahil sa magkasalungat nilang pag-uugali. Sa hindi inaasahang pagkakataon, isang pangyayari ang naging dahilan upang maging matalik silang magkaibigan.
Nakatanggap ng isang tablet si Luis bilang regalo sa kanyang kumpil. Simula noon naging ugali na niya ang kumuha ng larawan o video ng mga bagay, pangyayari at lugar na napuntahan niya. Dahil dito nakatanggap siya ng papuri mula sa mga kalaro at kaklase. Naisipan niyang gumawa ng sariling facebook upang makatanggap ng mas marami pang papuri. Pakiramdam niya may kakaibang pakiramdam ang bawat like at share na matatanggap niya.
