skip to main |
skip to sidebar
Ang ilang araw na planong masayang pamamasyal namin ni Charyl ay nauwi lamang sa tampuhan. Nang dahil sa kagustuhang magkaroon din ng stuffed toy na hawak ng kaharap namin sa jeep ay nagawang ilihis ang lakad na siya mismo ang nagplano. Ang aking leave of absence para sa paglibot sa isang daang isla ng Pangasinan ay napalitan ng pakikipagsiksikan sa isang libong Greenhills.
Ramdam ko ang pamumuo at pag-agos ng pawis sa aking likod para hanapin ang stuffed toy na may ubod ng laking bibig. Para akong laruang hinihila ni Chary para halughugin ang bawat sulok ng Shopping Center. Mahirap talagang kasama ang babae sa pamimili kahit hindi kailangan ay pilit bibilhin basta natipuhan.
Nakapikit ang isa kong mata habang nakasilip sa ginawa kong butas sa dingding. Tamang tama ang laki at angulo upang makita ko ang mga nangyayari sa loob ng kwarto kung nasaan si Dra. Arneda. Bagamat mainit ay natyagang kong manood sa hiwagang bumabalot sa katauhan ng aking amo.
Sa aking edad, hindi na bago ang makakita ng hubad na katawan ng babae. Bago pa ako nakapag-asawa ay nagkaroon din ako ng dalawa pang karelasyon na hindi din matawaran ang kagandahan. Pero iba ang karisma ng doktora. Kahit umeedad na ay makinis pa din ang kutis at nakakasilaw ang kaputian. Pero sa kabila ng maamo nitong mukha ay ang kakaiba nitong bisyo na naging dahilan din upang iwanan siya ng asawa.
Hindi nalalayo ang kulay ng sout kong Polo Shirt sa mga crew ng Chowking sa Tayuman. Kung mananatili akong nakatayo maaring may bigla na lamang mag-utos sa akin na kumuha ng tubig. Kung hindi lamang dito kami magkikita ni misis malamang ay humanap ako ng ibang kakainan.
Maaga ako ng kalahating oras sa pinag-usapan namin. Kabilin-bilinan niyang huwag akong pahuhuli ng oras dahil ipapakilala n'ya ako sa mga kaibagan sa trabaho. Balak na naman ipakilatis ang aking itsura at pagkatao sa kanyang circle of friends na sa palagay ko ay hindi magkakainteres makilala ako dahil kahit sa telepono ay walang ibang pinag-usapan kundi make-up at damit na isusuot.
